Në mes të shpërthimit të virusit koronar edhe në Irak, një debat publik ka rifilluar mbi burgjet irakene, në të cilat strehohen dhjetëra mijëra të burgosur, kryesisht arabë, sunitë. Shoqata e Avokatëve të Irakut paralajmëroi për efektet negative të mbipopullimit në burgje dhe kërkoi një amnisti për një numër të burgosurve.
Kushtet në burgjet e Irakut janë shumë të mangëta, thotë ai, sepse të burgosurve u mungon kujdesi shëndetësor, e nga ana tjetër detyrohen të qëndrojnë në dhoma të errëta me shumë pak dritë dite.
Javët e fundit, autoritetet gjyqësore federale kanë liruar qindra të burgosur të akuzuar dhe të dënuar nëpër provincat irakiene, përfshirë Nineveh, gjykatat e të cilit kanë lëshuar 50 të dyshuar për mungesë provash, si pjesë e një sërë masash parandaluese të marra për të zvogëluar përhapjen e virusit koronar.
Për shkak të mundësisë për të liruar mijëra sunitëve të pafajshëm nga burgu, militantët shiitë kanë filluar një fushatë likuidimi në burgjet e shumta irakiane.
Krimet e luftës
Qendra e Dokumentacionit të Krimeve të Luftës në Irak beson se qeveria e Bagdadit, me aparatet e saj të ndryshme shtetërore dhe milicitë sektare, është përgjegjës për raste të shumta të likuidimit fizik të të burgosurve në burgjet e fshehta, dhe sipas informacioneve të marra nga qendra, forcat qeveritare dhe milicitë kanë vrarë më shumë sesa 6 të arrestuar në burgun Al-Hout në Nasiriyah, Irakun e Jugut, përfshirë rastin e Ghsan Shihab Ahmad al-Majma’i. Sipas të njëjtit burim, likuidimet u zhvilluan brenda një njësie burgu për të burgosur që mund të marrin falje.
Qendra e Dokumentacionit të Krimeve të Luftës në Irak gjithashtu thotë se ka më shumë se 9 raste të tjera në burgje në provincat Salah al-Din dhe Amerli, si dhe shumë raste në burgjet e Bagdadit dhe provincat e tjera, veçanërisht burgjet e fshehta të drejtuara direkt nga militantët shiitë, në të cilën fati i mijëra sunitëve është i panjohur për botën e jashtme.
Tortura sistematike zhvillohet në këto burgje, në të cilat shumë njerëz të pafajshëm vriten nën hetime. Ka pasur raporte për tortura dhe abuzime të rënda nga një aktivist civil – Jassam Al, arrestuar nga autoritetet lokale të Karbala për aktivitete në protestat e fundit antiqeveritare.
Qendra e Dokumentacionit të Krimeve të Luftës në Irak ka kërkuar nga organet dhe organizatat ndërkombëtare dhe vendore që të ndërhyjnë për të liruar të arrestuarit dhe theksojnë se ata e mbajnë qeverinë e Bagdadit përgjegjëse për krime sistematike kundër të arrestuarve të pafajshëm.
Anëtari i Komisionit për Siguri dhe Mbrojtje Parlamentare, Muhamed al-Karbouli i ka bërë thirrje ministrit të drejtësisë të zbulojë arsyet e vdekjeve të shpeshta në burgje.
“Është detyrë e tyre të ruajnë jetën e të burgosurve dhe të sigurojnë kujdesin shëndetësor, jo të kryejnë tortura sistematike”, tha ai, dhe i bëri thirrje prokurorisë publike që të kryejë detyrën e saj për sjelljen e përgjegjësve të drejtësisë.
Propozim për amnisti
Kryeministri Adel Abdula Mahdi i ka paraqitur Presidentit të Irakut Barham Saleh një projekt-ligj mbi amnistinë, si masa për të frenuar përhapjen e virusit koronar. Propozimi ka provokuar reagime të forta nga aktorët politikë dhe media. Shumica shiite në Parlament, për momentin, ka refuzuar plotësisht propozimin e amnistisë.
Sipas projektligjit, amnistia do të mbulonte këdo që vuante gjysmën e dënimit ose që është dënuar me një vit ose më pak burg. /tesheshi.com/
