Komisioni i debatit presidencial i SHBA tha se së shpejti do të miratojë një ndryshim në format për të shmangur një përsëritje të takimit të parë kaotik midis republikanit Donald Trump dhe demokratit Joseph Biden.
Komisioni tha se debati të martën në mbrëmje e bëri të qartë se formati i debateve të mbetura kishte nevojë për strukturë shtesë për të siguruar një diskutim më të rregullt.
Një nga mundësitë që po merret në konsideratë është që moderatorit t’i jepet autoriteti për t’i mbyllur mikrofonin debatuesit ndërsa kundërshtari i tij po flet.
Debati i parë midis Trump dhe Biden u shënua nga një atmosferë kaotike, me ndërhyrje të shpeshta në fjalën e bashkëbiseduesit, akuza të mprehta dhe fyerje personale.
Moderatori i debatit, gazetari i Fox News Christopher Wallace, nuk arriti të vendoste kontroll mbi diskutimin.
Deri në zgjedhje, të planifikuara për 3 nëntor, do të mbahen dy debate të tjera presidenciale, në 15 tetor në Miami dhe 22 tetor në Nashville. /tesheshi.com/
