Qarku i Los Angeles është duke rihapur dyqanet e armëve pasi një memorandum federal i futi ato nën punë “themelore”.
Sherifi Alex Villanueva mbylli dyqanet javën e kaluar por ndryshoi vendimin e tij të hënën, duke pretenduar se ai po ndjek udhëzimet federale. Mbyllja e dyqaneve në LA County ka shkaktuar gjithashtu një proces gjyqësor nga grupet e të drejtave të armëve, raporton BBC.
Ndryshimi vjen në mes të një mosmarrëveshje kombëtare nëse qasja në armë është thelbësore në vazhdën e pandemisë sw korona virusit. Udhëzimet Federale të lëshuara në 28 mars, i klasifikuan prodhuesit dhe shitësit e municioneve si “punonjës të rëndësishëm të infrastrukturës kryesore”.
Villanueva tha se ndërsa memorandumi nuk është i detyrueshëm, ai ka një shtrirje kombëtare dhe për këtë arsye do të hapw dyqanet e mbyllura javën e kaluar. Ai më parë tha që dyqanet e armëve duhet të mbyllen në rrethin më të populluar të shtetit, pasi radhët e gjata për shkak të blerjeve paraqesin rreziqe shëndetësore për shkak të përhapjes së virusit koronar.
Guvernatori i Kalifornisë, Gavin Newsom, i cili në fillim të këtij muaji dha një urdhër për të “qëndruar në shtëpi” për të luftuar përhapjen e sëmundjes COVID-19, tha se çdo rreth mund të përcaktojë nëse dyqanet e armëve të zjarrit, ato të produkteve ushqimore, si dhe farmacitë, janë të nevojshme dhe lejohen të qëndrojnë të hapur.
Grupet e lobeve të armëve ngritën një padi federale të premten kundër zyrtarëve të Kalifornisë për mbylljen e dyqaneve. Ata pretendojnë se ajo shkel të drejtën e amandamentimit të dytë të Kushtetutës së SHBA për të mbajtur armë. Përballë tyre, grupet e kontrollit të armëve argumentuan se nuk ishte e sigurt të linte këto dyqane të hapura në kohën e pandemisë.
Në të gjithë vendin, virusi shkaktoi një rritje të shitjeve të armëve të zjarrit, duke përfshirë shumë blerës për herë të parë, raportojnë media lokale. /tesheshi.com/
