Propozimi i partisë ekstremiste gjermane të krahut të djathtë AFD për të shfuqizuar Rregullin për Ballkanin Perëndimor për sjelljen e punës së pakualifikuar në Gjermani, provokoi rezistencë nga të gjitha fraksionet e tjera parlamentare në Bundestag, të cilat unanimisht njoftuan se ata do të refuzonin propozimin.
AFD dëshiron që rregulli të hiqet në mënyrë që punëtorët gjermanë të mund të marrin vendin e punës, si dhe t’i japë fund praktikës së, siç pretendojnë ata, punëtorë të paguar dobët në Ballkan ulin pagat në sektorë me pagë të ulët në ekonominë gjermane.
Wolfgang Strengman Kun, një deputet nga të Gjelbrit, tha se propozimi i AFD është një përzierje e injorancës në ekonomi dhe intolerancës ndaj të huajve.
“Në mënyrë tipike për ju, ju keni krijuar urrejtje ndaj të huajve në propozimin tuaj, të cilin e keni mbështetur me kuazi-argumente që nuk kanë asnjë lidhje me realitetin,” tha ai, duke kujtuar kërkimet nga institutet e pavarura, të cilat vlerësuan se rregulli nuk rrezikon fuqinë punëtore vendase, nuk çon në një ulje të pagave dhe nuk e ngarkon sistemin shoqëror të Gjermanisë.
Johannes Fogel nga Liberalët gjermanë vuri në dukje se ky propozim ekspozoi shqetësimin e rremë të AFD për disa urdhra në fushën e imigracionit, në mënyrë që të përpiqej të rrëmbente disa vota nga votuesit nga qendra politike.
“Maskat kanë rënë sot, sepse AFD tregoi se është kundër çdo imigrimi, edhe kur është padiskutim në favor të ekonomisë gjermane”, tha Fogel.
Max Straubiger, një anëtar i CSU bavarez, tha se propozimi i AFD ishte i pakuptimtë, pasi Rregulli nuk u kërkua nga punëtorë ballkanas por nga punëdhënës gjermanë dhe kujtoi se punëtorët vendas dhe evropianë kanë përparësi.
“Do të ishte mirë nëse e lexoni Rregulli me vëmendje,” tha ai.
Danijela Kolbe e SPD tha se ajo e shkruajti fjalimin para se të dëgjonte prezantimin e AFD. /tesheshi.com/
