Aktori i Hollivudit Robert De Niro tha se nuk do të luante kurrë ish-presidentin e SHBA-ve, Donald Trump, pasi siç tha ai, “nuk sheh asgjë të mirë tek ai”.
“Thelbi i zgjedhjeve të ardhshme është Biden kundër Trump – a duam të jemi në një botë për të jetuar dhe shijuar apo në një makth. Një votë për Trump është një votë për një makth, një votë për Biden është një kthim në normalitet”, tha De Niro, shkruan The Guardian.
De Niro nuk dëshiron të ndihet ashtu siç ndihej pas zgjedhjeve të vitit 2016, kur “nuk mund ta besonte atë që ndodhi”.
Trump e quajti De Niron një “humbëtar total”
“Ai është një përbindësh total. Nuk do ta luaja kurrë sepse nuk shoh asgjë të mirë tek ai. Por asgjë fare. Nuk ka asgjë të shpengueshme për të”, pohon De Niro.
De Niro e ka kritikuar shpesh Trump-in, ndaj ka folur kundër tij edhe gjatë ndarjes së çmimeve Gotham në dhjetor.
“Ish-presidenti na gënjeu më shumë se 30,000 herë ndërsa ishte president dhe do të vazhdojë me atë ritëm në fushatën hakmarrëse”, tha De Niro në atë kohë.
Trump iu përgjigj De Niros, duke e quajtur atë një “humbëtar total” talentet e aktrimit të të cilit janë “zvogëluar ndjeshëm”. /tesheshi.com/
