Katër humbje në 4 javët e para dhe për më tepër asnjë gol i shënuar. Ky është starti më i keq i 93 viteve të fundit për Crystal Palace që thyen një tjetër rekord, atë të shkarkimit të trajnerit Franck De Boer pa regjistruar asnjë gol në këtë sezon.
Klubi londinez ka vendosur t’i tregojë derën trajnerit holandez pas disfatës në transfertën e Burnley. Statistikat nuk e mbështesin aspak ish trajnerin e Interit, madje e bëjnë atë të largohet pas një starti katastrofik të sezonit ku skuadra e tij e sheh veten në fund të klasifikimit me 0 pikë dhe asnjë gol të shënuar.
Aventura e holandezit në pankinën e Crystal Palace zgjati vetëm 77 ditë, një tjetër rekord edhe ky, pasi si zikaltër ai rezistoi 85 ditë.
Tashmë në pole position për të zëvendësua De Boer qëndron një njohje e vjetër e futbllit anglez.
Roy Hodgson mund të zërë vendin e De Boer për të nxjerrë nga situata aspak komode klubin. Trajneri i lindur në Croydon dhe dorëheqjen nga Anglia në 27 Qershor të vitit 2016 pas humbjes së papritur ndaj Islandës në Euro 2016, ndërsa disa muaj më vonë u emërua konsulent i merkatos së Melbourne City, klubi australian satelit i Manchester City. /tesheshi.com/
