“UEFA duhej ta kishte shmangur një short të tillë. Jam i habitur sesi u lejua që Skënderbeu të luajë në Beograd”.
Kështu është shprehur për mediat në Tiranë, ish trajneri i Kombëtares së Shqipërisë Xhani De Biazi, i cili thekson se pas asaj që ndodhi në 14 tetor të 2014-ës në Beograd, një përballje e dytë nuk duhej lejuar.
Ish trajneri i kuqezinjve, u jep shanse korçarëve, për të bërë mirë edhe në ndeshjet e grupit.
“Nuk është keq si grup e Skënderbeu do të luajë me kokën lart edhe në këto ndeshje”, u shpreh De Biazi.
Pas shortit të hedhur në Sion të Zvicrës, ekipi shqiptar do të luajë në grup me Dinamon e Kievit, Young Boys dhe Partizanin e Beogradit. /tesheshi.com/
