Menjëherë pas vendimit nga KAS ku Shqipëria mori 3 pikët, ka ardhur edhe reagimi i trajnerit të Kombëtares Xhani De Biazi i cili për të përditshmen shqiptare “Panorama Sport” tregon se tashmë Drejtësia u vu në vend.
“Të gjithë e prisnim këtë vendim dhe unë nuk kisha dyshime që do të merrnim 3 pikët pasi na takonin. Argumentuam me detaje gjithçka ndodhi në Beograd dhe ishim gjithmonë të saktë në dëshmitë tona në gjyqin e Lozanës.
Jam i lumtur sepse drejtësia u vu në vend dhe tani jemi më të qetë. Të parët që më uruan ishin Ansi Agolli dhe Ervin Bulku. Tashmë shanset për kualifikim në Europian janë më të mëdha por kemi ende shumë rrugë të gjatë përpara. Kemi ndeshjen e 4 shtatorit me Danimarkën, një betejë shumë e madhe të cilën duhet ta kalojmë me sukses”, deklaroi De Biazi. /tesheshi.com/
