Trajneri i Kombëtares Xhani De Biazi, ka shprehur gjithë hidhërimin e tij në përfundim të ndeshjes.
Ai ka thënë se kjo është një humbje që dhemb. De Biazi ka qenë kritik me futbollistët për fundin e ndeshjes, pasi tha se ajo nuk luhet vetëm me zemër, por edhe me tru.
Megjithatë, De Biazi u shpreh se tashmë Shqipëria duhet të shfrytëzojë mundësinë e artë që ka në ndeshjen e së dielës kundër Armenisë.
“Është një humbje që djeg, pasi vjen në minutat e fundit si me Portugalinë. Gabimet duhen që të rritesh dhe të rifillosh.
Sot ishte një ndeshje e rëndësishme që duhej të fitohej. Barazimi për ne ishte shumë i rëndësishëm sepse do ishim shumë afër kualifikimit.
Kur skuadra lodhet dhe vjen minuta e 90’, duhet të qëndrosh aty dhe të mos shkosh e të kërkosh aventura.
Unë e kuptoj që lojtarët kanë zemër, por duhet edhe të kesh tru për të luajtur siç duhet dhe duhet që të zbatosh detyrat, siç i ka dhënë trajneri.
Ne duhet ta kuptojmë se duhet të rrimë aty e të mos dalim para që ti japim mundësi skuadrave që kanë kualitete më të mira për ne.
Sot në një rast na shpëtoi Berisha dhe një gjuatje që ishte jashtë, e prandaj duhet të vëmë pikat mbi i.
Lojtarët në minutat e fundit dhe kjo është e saktë. Gjithmonë duket se në minutat e fundit të 11 lojtarët duhet të shkojnë në minutat e fundit në fushën kundërshtare, por duhet që të mos bëjmë gabime pas.
I kemi të gjitha mundësitë që të shkojmë e të fitojmë dhe të kualifikohemi për në kampionatin Europian ‘Francë 2016’.
Kur një lojtar hyn i freskët në lojë duhet të luajë më shumë në fushë dhe të qarkullonte më shumë topin, por ai doli nga detyrat taktike”, tha ai.
