Kryeministri turk, Davutoglu,ka goditur paksa me spond Europën duke kërkuar prej saj një fond shtesë për të menaxhuar krizën e refugjatëve nga Siria dhe Iraku, ku rreth 2 milion syresh janë në territorin e saj prej më shumë se 3 vjetësh.
Duke dhënë të kuptuar se janë pikërisht edhe politikat e saj që kanë gisht në konfliktin e përgjakshëm në Siri, e përgjithësisht Lindjen e Mesme, Davutoglu tha: “Nuk është një krizë e Turqisë, por e Evropës, ndaj Evropa duhet të paguajë për të. Turqia është vendi më i goditur nga ardhja e refugjatëve. Ka në territorin e saj 2,5 mln refugjatë sirianë dhe 300 mijë irakianë. Kemi shpenzuar 10 miliardë për mbajtjen e tyre. 3 miliardët e ofruar nga BE nuk mjaftojnë”, theksoi shefi i qeverisë së Ankarasë. /tesheshi.com/
