Është pritur me nderime të larta shtetërore në Beograd. Kryeministri turk Davutoglu, i cili vizitën e tij të parë në postin e tij e ka bërë pikërisht në Serbi.
Gjigandi turk, Halkbank është instaluar në tregun serb dhe synon të kreditojë gjithë kompanitë e vendit të tij në rajon…
Davutoglu u prit në “Pallatin Serbia” nga homologu i tij Aleksandër Vuçiç. Ai kaloi në revistën e nderit të Gardës së Serbisë. Vuçiç dhe Davutoglu zhvilluan një takim dypalësh dhe më pas dhanë një konferencë për shtyp.
Davutoglu ka nisur një vizite dy-ditore ku ndërmjet të tjerash do të takohet me kryetarin e Kuvendit të Serbisë Maja Gojkoviç, si dhe do të marrë pjesë në një forum serbo-turk të biznesit, i cili paraqet mundësi për kompanitë turke që të investojnë në Serbi.
Forumi do të diskutojë mbi mekanizmat dhe projektet për investime nga ana e kompanive turke në Serbi, si dhe të zbatuar me sukses investimet. Interesante është se një nga gjikandët turk, Halkbank po synon që të instalohet në tregun serb.
Siç bën të ditur agjencia Tanjug, Davutoglu në prag të vizitës së tij në Serbi, tha se vendi i tij inkurajon dhe do të vazhdojë të inkurajojë kompanitë turke që të investojnë më shumë në Serbi, duke shtuar se duhet një përpjekje e dy vendeve për të çuar përpara këtë proces.
/tesheshi.com/
