Disa media njoftojnë se sot, në një takim të kreut demokrat Basha me aleatët, i pranishëm ka qenë dhe David Philips, një profesor universitar amerikan, i njohur si aktivist i të drejtave të njeriut, e gjithashtu si i angazhuar për të dhënë konsiderata në dhe për politikën shqiptare, në Tiranë apo dhe Prishtinë.
Por së fundi, ai ka dalë haptazi kundër kryeministrit Rama, me një seri intervistash në VOA, duke e sulmuar ashpër shefin e qeverisë shqiptarw për raportet e tij të ngushta me presidentin Erdogan, e pretenduar, referuar dhe disa investimeve turke, apo partneriteve me Turqinë – ku veçon Air Albania – se Shqipëria po rrëshqet nën Turqi.
Ardhja e përfolur e David Philips në Tiranë, pra kontakti me opozitën dhe një pozicionimi i mundshëm krah saj në përballje me Ramën, i japin betejës politike të Tiranës dhe një ngjyrim gjeopolitik. Philips, si një antiturk i betuar, e ka potencuar vetëm në këtë prizëm qëndrimin e tij të ashpër kundër Ramës. /tesheshi.com/
