Deputeti i AAK-së, Daut Haradinaj sqaroi në Kuvend deklaratën e tij që u komentua shumë nga përfaqësuesit e huaj në Kosovë. Haradinaj ka thënë se përfaqësuesit diplomatikë duhet ta dinë se Beogradi është duke destabilizuar Kosovën, dhe se askush më shumë se si nuk e do paqen.
“Nuk ka provokim më të madh, se implementimi i axhendave të Beogradit në Kosovë. Nëse e kanë atë qëllim le t’i implementojnë ato axhenda diku tjetër. Këtë duhet ta dinë edhe përfaqësuesit diplomatikë. Askush më shumë se unë se do paqen. Asnjë prej serbëve nuk i ka ruajtur monumentet historike në Kosovë, por i kemi ruajtur vetë”, ka thënë Haradinaj.
Ai ka thënë se nuk do të lëshojnë pe, duke shtuar se iu bën thirrje të gjithë atyre që mos të luajnë me zjarr.
“Nuk lëshojmë pe më, përgjigjen do ta marrin si më 1998 dhe ’99. Nuk kam thënë se do të bëjmë spastrim etnik, kam thënë me pas kujdes. Në rast se duan të luajnë me zjarrin, puna e mbarë iu qoftë”, ka thënë Haradinaj. /tesheshi.com/
