Daullexhinjtë e Ramazanit në Rripin e Gazës vazhdojnë këtë traditë të gjatë të agjërimit duke i zgjua besimtarët për syfyr (vakt para agimit), apo dhe duke lajmëruar çeljen e iftarit.
Njëri prej tyre është 50-vjeçari Nezar al-Dabbas, i cili zgjon besimtarët në Khan Younis në Gaza duke i rënë daulles(në fakt tarabukut).
I veshur me kostum tradicional me fes dhe jelek, al-Dabbas del në rrugët e Khan Younis herët në mëngjes dhe zgjon fqinjët që duan të agjërojnë.
Kjo punë është zakonisht vullnetare, por njerëzit shpesh u japin atyre dhurata dhe ushqime të rastit si shpërblim për të qënit lajmës.
Kjo traditë daton që nga epoka osmane. Ndaj edhe sot, në shumë vende të Turqisë, daullexhinjtë e Ramazanit janë ende prezentë në disa zona.
Kjo traditë qe dhe në Shqipëri në vitet e para të rikthimit të besimit, pra të agjërimit të Ramazanit. Por më pas u shua dalëngadalë. /tesheshi.com/
