Ambasadorët e Bashkimit Europian dhe SHBA-së në Maqedoni, Aivo Orav dhe Xhes Bejli, pritet që ditën e nesërme të publikojnë vlerësimin nëse ka kushte për mbajtjen e zgjedhjeve të lira dhe demokratike për me 24 prill, ashtu siç është paraparë me Marrëveshjen e nënshkruar të Përzhinos nga liderët e partive
Ambasadorët do të vlerësojnë situatën në tri sfera të përgatitjes për zgjedhje, edhe atë KSHZ dhe Lista Zgjedhore, në raport me personelin e KSHZ-së dhe revizionin e Listës Zgjedhore, mediet, raportimi i balancuar dhe marrëveshja e katër partive politike për reformat në medie, dhe ndarja e shtetit nga partia në pushtet.
Në bazë të asaj që është raportuar deri tani, nuk kemi as pavarësi të medias, as pastrim të listave zgjedhore dhe as pavarësi të organeve gjyqësore.
Kështu që, me shumë gjasë zgjedhjet pritet të shtyhen, por se kur do të mbahen do ta mësojmë gjatë ditës së nesërme. /tesheshi.com/
