Pas konsultimeve të së premtes me krerë partish, përfshirë dhe kryeministrin Rama, presidenti Meta dekretoi 25 prillin 2021 si datë zgjedhjesh parlamentare.
“D E K R E T
PËR CAKTIMIN E DATËS SË ZGJEDHJEVE PËR KUVENDIN
Në mbështetje të nenit 65, pikat 1 dhe 2, 92 shkronja “gj” dhe 93 të Kushtetutës së Republikës së Shqipërisë, si dhe të nenit 8, 9, pikat 1 dhe 4 të ligjit nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar, si dhe pas konsultimit me partitë politike mbi caktimin e datës së zgjedhjeve për Kuvendin e Shqipërisë,
D e k r e t o j:
Neni 1
Zgjedhjet për Kuvendin të zhvillohen ditën e diel, më datë 25 prill 2021.
Neni 2
Ky dekret hyn në fuqi menjëherë”, u kumtua nga Presidenca.
Kjo do jetë hera e parë që Shqipëria zhvillon zgjedhje parlamentare në prill në tre dekada pluralizëm. Të fundit ishin më 25 qershor.
E veçanta e këtyre zgjedhjeve lloji i përballjes politike, pasi për herë të parë gjithashtu, PS do ketë përballë në aleancë PD dhe LSI. Me këtë të fundit ajo erdhi në pushtet më 2013-ën, ndërkohë që më 2017-ën, bëri divorc me kuazën e “tepsisë” që duhej eliminuar, e gjithashtu të ecjes me “dy palë duar në timon”.
Tjetër “herë e parë” do jetë marrja në konsideratë e faktit se PS është më afër një mandati të tretë, e pa ndodhur kjo në tre dekada.
Ndërsa e katra “herë e parë” është se opozita vjen në këto zgjedhje me zero pushtet, pas bojkotit të zgjedhjeve lokale të 2019-ës.
“Hera e parw” e pestw do jetw fakti qw kreu i shtetit (Meta) do jetw nw kwto zgjedhje lideri nr.2 i opozitws, nwn kamuflimin zyrtar si president. /tesheshi.com/
