Media zvicerane duket se është mahnitur nga dasma e shtrenjtë e një shqiptari nga Kosova, i cili para disa javësh i dha fund beqarisë.
Kostoja e kësaj dasme, siç ka thënë dhëndrri, ishte mbi 100 mijë franga zvicerane ose euro.
Portali zviceran “20min.ch”, i cili siç është bazuar në komentet që njerëzit kanë bërë në rrjetet sociale për shifrën e kësaj dasme, shkruan se “dhëndrri ishte përkujdesur për të ftuarit duke i transportuar me limuzina amerikane. Ai kishte prenotuar jo më pak se 11 makina luksoze”.
“Shumë komente në rrjetet sociale kanë kritikuar këtë veprim të shqiptarit me nënshtetësi zvicerane, duke marrë parasysh që Kosova është një vend i varfër”, shkruhet në artikull.
Portali ka cituar një komentues, i cili është shprehur se “me këtë shumë do të mund të ndërtoheshin tri shtëpi për familjet në nevojë në Kosovë”.
Në vijim, media zvicerane tregon me fakte gjendjen e keqe financiare me të cilën përballet populli në Kosovë. “Sipas statistikave zyrtare, një e treta e popullatës jeton në varfëri”, ka shkruar portali. /tesheshi.com/
