Atë që nuk mund ta bëjnë politikanët në Maqedoni, e kanë bërë aktivistët e organizatave civile. Megjithëse deklarativisht promovojnë bashkëjetesën si vlerë multietnike, politikat e partive të koalicionit qeveritar në praktikë flasin për diçka tjetër.
Kështu, për të dëshmuar se shqiptarët dhe maqedonasit nuk ndikohen nga propagandat nacionaliste të partive në pushtet, sot është kurorëzuar dashuria e parë multietnike e “Revolucionit Laraman” mes Zamir Mehmetit dhe Irena Sterijovskës.
Zamir Mehmeti është vëllai i deputetes së BDI-së, Ermira Mehmeti. Ai sot ka postuar në facebook një foto duke u puthur me të dashurën e re, dhe e shoqëruar me komentin: “Kur veçmë jemi te punët e rëndësishme…”.
Ndryshe Zamir Mehmeti dhe Irena Sterijovska njihen si protestuesit më aktivë të protestave antiqeveritare që opinioni tashmë i njeh si “Revolucioni i Larmë”. /tesheshi.com/
