Ky burrë besnik ka kaluar 56 vite duke u kujdesur për gruan e tij të paralizuar, Zhou Yu’ai, dhe vazhdon ta dojë atë pavarësisht gjendjes së saj shëndetësore.
Në kohërat e sotme kur shumë njerëz dyshojnë nëse dashuria e vërtetë mund të ekzistojë, historia e fermerit kinez Du Yuanfa e konfirmon këtë konstatim pa asnjë fije dyshimi.
Du dhe Zhou u martuan në vitin 1959, por vetëm pesë muaj më pas, jeta e tyre mori një goditje të rëndë. Gruaja e re ishte kapluar nga një sëmundje misterioze në moshën 20-vjeçare duke u katandisur në krejtësisht të paralizuar. Në atë kohë, Du ishte duke punuar në një minierë qymyri në qytetin e afërt kur mori vesh për ngjarjen tragjike pasi mori një letër nga familja e tij e cila e informonte se Zhou ishte e sëmurë në shtrat.
Du menjëherë merr një pushim të gjatë nga puna dhe kthehet në shtëpi. Për shkak të sëmundjes, Zhou humb të gjitha ndjesitë në trupin e saj. Ajo madje as nuk mund të kthehej anash apo të mbante ndonjë gjësend në duart e saj. Asnjë mjek nuk mund të kuptonte se çfarë po ndodhte me këtë grua të re. Më pastaj, gjërat shkuan edhe më keq, kur u kuptua se Zhou humbi dhe aftësinë për të riprodhuar.
Shumë nga miqtë e Du i sugjeruan atij të anulojë martesën e tij dhe të fillojnë një jetë të re, por njeriu i dashuruar nuk pranoi. Ai i tha gruas së tij: “Mos u shqetëso, unë do të kujdesem për ty përgjithmonë!”, dhe e mbajti fjalën.
Du la punën e tij për t’ia përkushtuar gjithë kohën gruas së tij. Ai edhe sot, punon si fermer, ushqen gruan e tij me lugë, ndërron të shtruarat e saj, përgatit ilaçet tradicionale kineze, dhe e dërgon atë nëpër mjekë të ndryshëm.
Përkushtimi i Du nuk ka mundur të kalojë pa u vënë re nga fqinjët e tij, të cilët shpesh vijnë për të vizituar çiftin e vjetër dhe për të sjellë gjëra të nevojshme për jetesë, ushqime apo ilaçe.
Du asnjëherë nuk ka hequr dorë. Për gati gjashtë dekada ai është kujdesur për gruan e tij të dashur. Çdo ditë ai e pastron, ushqen dhe i bën masazhë gruas së tij dhe ende shpreson për të gjetur trajtim për sëmundjen e saj.
Mbase, kështu duket dashuria e vërtetë. /tesheshi.com/
