Brittany Jacques, 23 vjeçe, nga Singleton në provincën kanadeze të Ontarios, hoqi dorë nga kërkimi i dashurisë sepse të gjithë burrat e detyruan atë të bënte dietë dhe e lanë atë kur ajo dështoi, derisa gjeti dashurinë e saj te një djalë që është rreth gjysma e peshës së saj.
Brittany peshon 116.6 kilogramë, ndërsa i zgjedhuri i saj Matt Montgomerry, për më tepër një trajner fitnesi, peshon 63.5 kilogramë.
Ata thonë se ishte dashuri me shikim të parë, megjithëse shumë në mediat sociale shpesh bëjnë shaka për ndryshimin në peshë prej 53 kilogramësh mes tyre.
“Në fillim isha pak hezituese. Kisha përvoja ku meshkujt më linin nëse unë nuk vazhdoja me dietë për të humbur peshë. Kjo ndikoi në vetëvlerësimin tim dhe në një moment fillova të ushtrohesha për këtë. Por pastaj kuptova se nëse e bëj për shkak të perceptimit të dikujt tjetër për bukurinë, nuk do ta dua më veten,” thotë Brittany.
“Unë kam qenë në marrëdhënie me vajza të dobëta, por që ato s’ishin aspak të lumtura. Ato nuk ishin të sigurta në vetvete dhe vazhdimisht luftonin me nevojën për të ndryshuar diçka për veten e tyre, gjë që nuk më pëlqente”, thotë Matt, duke shtuar se i pëlqen Brittany. për shkak të vetëbesimit të saj.
“Ne jemi të lumtur së bashku, dhe kjo është gjëja më e rëndësishme”, përfunduan ata të dy, siç raportohet nga Daily Mail. /tesheshi.com/
