Shpesh herë e vëmë në dyshim dashurinë mes çifteve të famshme, të cilët rrinë bashkë dhe martohen për arsye apo interesa nga më të ndryshëm, mirëpo ky që do t’ju tregojmë nuk është rasti.
18 vite martesë, një dashuri mes uljesh e ngjitjes, të qeshurash e vështirësive të kaluara me kohën. Will Smith është ende shumë i dashuruar me bashkëshorten e tij, Jada Pinnket dhe me rastin e 44 vjetorit të ditëlindjes së saj, ai ka postuar një fotografi në Facebook, ku krahas urimit në këtë ditë të veçantë, ai i bën një deklaratë që i ka prekur të gjithë.
“Kjo fotografi është shkrepur 20 vite më parë në shtëpinë e nënës tënde. Është një fotografi shumë e vjetër. Vendosa të bëj nja dy llogari. Të kam kënduar këngën e ditëlindjes 20 herë dhe kam blerë 19 dhurata. Të kam parë të frysh 693 qirinj (737 pas këtyre të sotshmeve). Të kam thënë ‘Të dua’ të paktën 8285 herë. Dhe nga thuajse 3.96 miliard femra në planet ekziston vetëm një me të cilën dua të kaloj gjithë pjesën e ngelur të jetës sime. Gëzuar ditëlindjen dashuria ime!”,- shkruan Smith./tesheshi.com/
