Kreu i PD-së Basha ka folur së fundi me një gjuhë të ashpër ndaj mazhorancës, por kësaj radhe duke rifutur dhe Metën në ligjërimin e tij akuzues, të cilin nuk e përmendte prej kohësh duke shënjestruar vetëm Ramën.
“Ramës dhe Metës do ju ngecë në fyt buka e popullit”, tha Basha, si një reagim në duke nervoz ndaj darkës së tyre një natë më parë në kryeministri.
Në fillimet e opozitës së saj, PD nuk e ndante Ramën nga Meta përgjatë akuzave, por kohë pas kohe e la mënjanë këtë të dytin duke u përqëndruar vetëm tek Rama. Nga disa analistë politike, kjo shihej si një mesazh i PD-së për Metën që do ishte i mirëseardhur për një tjetër aleancë nesë do ndahej nga Rama. Kjo u vu re dhe gjatë daljes së personazhit Balili, ku PD në asnjë rast nuk përmendte Metën dhe LSI-në, si parti prej nga i kërkuari për trafik droge ishte emëruar drejtor institucioni.
Ndërkohë, edhe orët e para të protestës pati zëra mikluese ndaj Metës, për t’u ndarë nga Rama dhe bashkangjitur opozitës; por siç duket darka e mbrëmshme e të dyve e ka shuar këtë shpresë. Dhe kjo vihet re tek akuzë-malllkimi i sotëm i Bashës për bukën që do iu ngecë në fyt që të dyve.
Basha më pas është përbetuar se do qëndrojë stoik e se nuk do përfshihet në pazare. /tesheshi.com/
