Në Danimarkë hyri në fuqi ligji për ndalimin e mbajtjes së nikabit në publik. Bëhet fjalë pra për mbulim gati tërësor të fytyrës nga femra të besimit musliman.
Sipas ligjit të miratuar në maj, ato që mbajnë nikap në publik do të gjobiten deri në 150 euro, e në rast përsëritjeje deri në 1.220 euro.
Nga ana tjetër, grupe të të drejtave si dhe ato të interesit, e kanë përshkruar ligjin si “diskriminues”, gjë që ka ka provokuar zemërim. Në Evropë, edhe Austra, Franca dhe Belgjika kanë ligje të ngjashme.
Ndërkohë, Rachid Nekkaz, një biznesmen francez me origjinë algjeriane, ka marrë përsipër që të pagujë gjobat për gratë e ndëshkuara, në Danimarkë e kudo, duke e quajtur ligjin si “të paligjshëm”. /tesheshi.com/
