Një lypëse sllovake do të dëbohet për herë të parë nga Danimarka, sipas një ligji të diskutueshëm që dënon këtë veprim.
Gjyqtarët në gjykatën e Kopenhagenit dënuan të martën një grua me 40 ditë burg, pas së cilës ajo do të dëbohet nga vendi.
Policia tha se gruaja është dënuar disa herë më parë për kërkim të lëmoshës nga kalimtarët në kryeqytetin danez.
“Kjo është hera e parë që një person është deportuar nga Danimarka për kërkim të lëmoshës,” thuhet në një deklaratë, duke shtuar se gjykata gjeti se i pandehura kishte ardhur në Danimarkë, me të vetmin qëllim, atë të lypjes për të siguruar ekzistencën”.
“Edhe pse ajo është shtetase e BE-së dhe për këtë arsye gëzon mbrojtje kundër dëbimit, gjykata vlerësoi se kishte bazë për deportim,” shtoi një zëdhënës.
Neni 197 i kodit penal Danimarkës dënon lypjen për këdo që e ka injoruar vërejtjen e lëshuar më parë nga ana e policisë, me një dënim maksimal prej gjashtë muajsh burg.
Lypësi duhet të jetë aktiv për t’u konsideruar i paligjshëm, për dallim nga dikush që në mënyrë pasive pranon donacione. Qytetarët e BE-së në këtë vend në disa raste janë paralajmëruar ose janë dënuar me gjobë, ndërsa ata jashtë kontinentit mund të dëbohen menjëherë.
Ligji danez gjithashtu parandalon autoritetet lokale t’u japin strehim emigrantëve të paregjistruar e që janë pa numër identifikimi. /tesheshi.com/
