Deputetja e VMRO-së, Daniella Rangellova, në foltoren e Kuvendit tha se LSDM i ka mashtruar shqiptarët. Sipas saj, kjo parti u mori votat shqiptarëve duke vënë nën akuzë BDI-në, ndërkohë që tani këto dy parti bëjnë aleancë mes tye.
“Si ndihen tani ata shqiptarë që i dhanë votën LSDM-së për inat të BDI-së. Atëherë BDI ishte parti kriminele, ndërsa tani na u bë e pastër”, tha Daniela Rangellova, qartazi duke dashur të bëjë diversion mes tyre.
Ndërkohë, përflitet se një takimi të fshehtë është zhvilluar mes Zoran Zaevit dhe Ali Ahmetit.
Ky takim jozyrtarisht thuhet se ka zgjatur vetëm 10 minuta, i mbajtur në ambientet e Kuvendt maqedonas. Pas këtij takimi, deputetët e LSDM-së dhe BDI-së janë larguar nga salla plenare dhe askush nga partitë politike nuk tregon se ku kanë shkuar.
Por duke iu referuar burimeve jozyrtare, thuhet që deputetët janë afruar në koordinim konsultativ në zyrat e grupeve parlamentare dhe në takime me liderët e partive.
Nuk dihet nëse zhvillohet edhe ndonjë takim i përbashkët. Burimet e njëjta njoftojnë se takime të tilla do të mbahen edhe me partitë e tjera që kanë mbështetur shumicën e re parlamentare.
M.Krasniqi – /tesheshi.com/
