Njerëzit me sindromë gjeniu vuajnë nga një defekt mendor, por që nga ana tjetër në një fushë të caktuar janë shumë të zhvilluar, madje më shumë se normalja. Zakonisht, shumica e njerëzve me aftësi të kufizuara kanë gjithmonë një zhvillim përtej normales në fusha të tjera, në disa raste në të kundërt të asaj prej të cilës vuajnë, si përshembull njerëz të verbër me një dëgjim të jashtëzakonshëm.
Një në 10 njerëz me sindromë autike kanë të zhvilluar edhe sindromën e gjeniut por në nivele të ndryshme. Daniel Tammet është një shembull konkret. Që pas një rrëzimi gjatë një krize epileptike në moshën 3-vjeçare ka zhvilluar një aftësi të jashtëzakonshme në matematikë dhe në përvetësimin e gjuhëve të huaja.
Ai është në gjendje të flasë rrjedhshëm në gjuhën e vet, madje ka një fjalor të pasur dhe nuk bën gabime gramatikore, ndërkohë di dhe 7 gjuhë të tjera. Të dish 7 gjuhë ditët e sotme nuk është dhe aq e jashtëzakonshme, mirëpo e veçanta e tij është se ka mësuar gjuhë të rralla dhe në pak kohë: për shembull gjuhën islandeze në vetëm shtatë ditë. /tesheshi.com/
