Drejtori sportiv i skuadrës katalanase, Robert Fernandez, e ka pohuar sot para gazetarëve se Dani Alves do të largohet.
“Dani ka vendosur të largohet. Eshtë një vendim personal, të cilin ne e respektojmë. Ai na e ka treguar tashmë synimin e tij.”
Prej ditësh raportohet se braziliani do të nënshkruajë një kontratë dyvjeçare me Juventusin, për të provuar kështu një aventurë të re në kampionatin italian.
“Dani është një lojtar i jashtëzakonshëm,” u tha Fernandez gazetarëve.
“Ai pati një sezon të madh, si të gjithë sezonet e tij këtu.”
“Nuk jemi të lumtur që Alves po largohet, pasi ai është sjellë në mënyrë fantastike brenda dhe jashtë fushës, por është vendimi i tij dhe ne duhet ta respektojmë atë.”
Dani Alves u transferua te Barcelona në vitin 2008, pasi kishte kaluar pesë sezone te Sevilja. Në tërë karrierën e tij te klubi katalanas, ai ka qenë i padiskutueshëm në pozicionin e tij, në atë të mbrojtësit të djathtë.
Ai ka luajtur në 89 takime për përfaqësuesen braziliane, duke shënuar gjashtë gola. /tesheshi.com/
