Kreu i diplomacisë siriane, Ëalid al Mua’alem tha në Nju Jork se forcat ushtarake amerikane, turke dhe franceze, duhet “menjëherë” të largohen nga Siria, e njëherësh u bëri thirrje refugjatëve sirianë që të kthehen në vendin e tyre.
“Këto forca, menjëherë dhe pa kushte duhet të tërhiqen”, tha Mua’alem në sesionin vjetor të Asamblesë së Përgjithshme të OKB-së, me vlerësimin se koalicioni ndërkombëtar i udhëhequr nga Shtetet e Bashkuara “është i paligjshëm” dhe se është shpërndarë në Siri “nën pretekstin e luftës kundër terrorizmit”.
Ministri sirian tha se lufta kundër terrorizmit “pothuajse ka përfunduar”, dhe shtoi se qeveria siriane po i jep fund luftës me pastrimin nga të gjitha terroristët dhe nga prana e paligjshme e forcave të huaja.
Sipas tij, situata në terren është “më e sigurtë dhe më e qëndrueshme” dhe se të gjitha kushtet për kthimin vullnetar të refugjatëve janë përmbushur. /tesheshi.com/
