Risia e ditës së katërt të fushatës zgjedhore në Kosovë, përveç premtimeve me bollëk nga partitë, padyshim janë lëvdatat që kryetarët e partive kanë bërë për kandidatët për kryeministër, duke i bërë aq të zgjuar sa edhe këta të fundmit mund të jenë habitur.
Pas lavdatave që i bëri Mustafa në Mitrovicë për Hotin duke e qujatur njeri të dijes, edhe Ymeri i VV-së ka shpërthyer me fjalë të mira për Kurtin, duke e quajtur të pakrahasueshëm me të tjerët,
”Albini ka dëshmuar secilën etapë të vonë të historisë së Kosovës. Nuk dorëzohet, nuk i humb mendja, nuk i humb përkushtimi, nuk i rritet mendja, është njeriu më i kompletuar që i nënshtrohet vetëm një gjëje, popullit të Kosovës dhe të mirës së përgjithshme. Çka ki me krahasu me ata? Avdullah Hoti është lapsi i Isa Mustafës. Ramush Haradinaj u shëndrrua në maskën e Kadri Veselit”, tha Ymeri në tubimin e mbajtur në Therandë.
Më pas Ymeri u shpreh i bindur se më 11 qershor, se vota e popullit do shkojë për VV-në siç tha “për të zhvilluar Kosovën”. /tesheshi.com/
