“Zonja” e Vladimir Putinit, Alina Kabaeva, bëri një dalje të rrallë publike së fundi, duke shmangur çdo përmendje të luftës në Ukrainë apo problemeve shëndetësore të përfolura të presidentit rus.
39-vjeçarja fituese e medaljes së artë olimpike ka bërë pak paraqitje publike këtë vit. Por ajo ishte e pranishme për të nisur një qendër të re trajnimi fitnesi.
Duke inauguruar kompleksin e ri në Soçi, ajo shmangu përmendjen e Putinit mes pretendimeve se ai rrëshqiti në shkallët e rezidencës së tij në Moskë dhe vuan nga kanceri dhe probleme të tjera shëndetësore. Ai gjithashtu nuk përmendi luftën e presidentit rus në Ukrainë.
Në vend të kësaj, sipas Daily Mail, ajo u tha gjimnastëve në turneun ndërkombëtar Divine Grace se “e pamundura është e mundur”, duke iu referuar edhe karrierës së saj. “Kur isha gjimnaste, as që mund të ëndërroja për kushte si ato që keni në këtë qendër të re stërvitore sportive”, tha ajo.
“Por siç e tregon jeta, e pamundura është e mundur”, shtoi ajo, para se të shtonte: “Dhe Rusia është një vend me mundësi të mëdha”.
Mediat shtetërore të Moskës nuk lejohen të diskutojnë lidhjen e saj 15-vjeçare me Putinin apo fëmijët që përflitet se kanë.
Hera e fundit që Zonja e Parë e Rusisë u pa në publik ishte në shtator. Më pas pati zëra se Putini e urdhëroi atë të abortonte.
“Alina Kabaeva ishte shtatzënë, në pritje të një vajze. Por presidenti rus Vladimir Putin e konsideroi shtatzëninë e Kabaevës të parakohshme dhe lindjen e një fëmije tjetër të paplanifikuar të padëshirueshme. Si rezultat, marrëdhëniet midis Putinit dhe Kabaeva u përkeqësuan. Dhe në fund të gushtit, presidenti insistoi që ajo të bënte një abort, pavarësisht faktit se shtatzënia kishte kaluar tashmë 20 javë. Pas abortit, u shfaqën komplikime dhe për ca kohë Kabaeva nuk mundi të shfaqej në publik”, raportoi në shtator kanali Telegram General SVR. /tesheshi.com/
