Ambasadori i SHBA-së në Tiranë i ka qëndruar deklaratës së një dite më parë kur tha se ka raportime për presion por dhe ryshfet, ndaj gjyqtarëve për çështjen “Tahiri”.
Duke folur për Top Channel pas heqjes së masës arrest shtëpiak për ish-ministrin e Brendshëm, Ambasada Amerikane tha se i qëndron të njëjtës deklaratë që bëri një ditë më parë ambasadori Donald Lu.
Deklarata ishte:
“Kemi dëgjuar disa raportime nga burime të pavarura për presione serioze në këtë çështje, përfshirë edhe ryshfete që u janë ofruar gjykatësve.
I bëj thirrje shoqërise civile dhe medias që ta vëzhgojnë këtë çështje me vëmendje, në mënyrë që vendimi të bazohet mbi provat dhe ligjin dhe jo mbi presione, kërcënime apo para”. /tesheshi.com/
