Artur Zheji, i afërt dikur me Ilir Metën, ka zbuluar një aspekt të pathënë për të, faktin që ai kohët e fundit konsumonte shpesh alkool, madje shkonte xurxull nëpër emisione. Që do të thotë, se gjuha e tij e shkapërdedhur në publik paska ardhur dhe si pasojë e të qënit i pirë.
“Ilir Meta në një fazë të jetës së vet shtoi pijen alkoolike dhe e keqja është që shtoi edhe vetësigurinë që mund ta mbante.
Disa gazetarë miq, që nuk janë fare miq, e merrnin nëpër emisione me ngarkesë alkoolike precedente. Unë e kam anuluar një intervistë në 2013-ën pasi e kishte ekzagjeruar me pijen. Por të tjerë nuk e kanë bërë. Deklaratat më të forta zoti Meta i ka bërë kur ka qenë në gjendjen më të keqe”, tha Zheji në një intervistë televizive.
Dhe në fakt, sjellja dhe deklaratat e shfazuara të Metës mund të shpjegoheshin vetëm me të qënit e tij të dehur. /tesheshi.com/
