Pantallonat e shkurtra të veshura nga boksieri Joe Frazier kur u mposht nga Muhammad Ali për titullin e kombinuar të peshave të rënda kanë dalë në një ankand të hënën, së bashku me dorezat e Alit që i kishte veshur në meçin e vitit 1971 që u cilësua si “Ndeshja e Shekullit”.
Pantallonat, të cilat pritet të shiten për 10,000 dollarë, tashmë kanë prekur ofertën minimale prej 5,000 dollarësh mëngjesin e sotëm, ka thënë Ken Goldin, pronar i “Goldin Auctions of Runnemede”, New Jersey, raporton Reuters.
Megjithatë, për dorëzat e Alit ende nuk ka asnjë ofertë, të cilat pritet të shiten për më shumë se 1 milion dollarë.
Ankandi përmbyllet më 4 gusht me oferta të drejtpërdrejta.
Këto relike dolën në shitje pak më shumës e një muaj nga vdekja e Alit në një spital në Arizona në moshën 74 vjeçare. Frazier vdiq më 2011.
