Në rrjet kanë dalë dhe po qarkullojnë fotot e para të iPhone 6s, pajisjes që Apple do të hedhë në treg këtë vjeshtë. Fotot janë publikuar fillimisht në blogun 9ToMac.
Duke parë fotot vihet re se dizajni dhe trupi i aparatit celular inteligjent është pak a shumë i ngjashëm me atë të smartfonëve aktualë dhe nuk ka fotokamerë të dyfishtë, siç është thënë shpesh në aludime të ndryshme.
Fotot e këtij smartfoni që pritet të lançohet vijnë pas thashethemeve se ky iPhone do të ishte i pajisur me Force Touch, një sistem që aktivizon funksione të veçanta me një prekje të rëndë të ekranit.
Nga pamjet e vendosura në rrjet nga sajti i specializuar 9toMac, vihet re se iPhon 6s do të jetë shumë i ngjashëm, për të mos thënë identik me modelin aktual dhe do të ketë risi në pjesën e brendshme të hardware. /tesheshi.com/
