Dakortësia për vrasjen e Elbasanit, vjen ndjesa e pazakontë nga dhe për Xhelal Mziun

Xhelal Mziu, kreu i fushatës së PS-së në Dibër, kërkoi ndjesë publike për frazat e tij në lidhje me vrasjen në Elbasan.

“Me sinqeritetin më të madh, shpreh keqardhjen time dhe pendesën time për komentin tim të panevojshem dje, për shkak të emocioneve të forta të momentit.

Dua të jem i qartë: unë mbështes zgjedhje të lira dhe të ndershme dhe jam KUNDËR dhunës!

Jam penduar thellë për komentin tim dhe kërkoj ndjesë para gjithë shqiptarëve”, shkruan Mziu.

Kjo ndjesë e tij vjen pas një reagimi të fortë, deri tani mediatik, mbi atë çfarë deklaroi në Dibër.

“Kemi ngritur grupet e gatshme nga sot dhe në vazhdim, çdo person i dyshimtë që lëviz në lagjet tuaja mjafton një telefonatë dhe do ta pësojë njëlloj si ai i Elbasanit.

I bëj thirrje çdo qytetari të Dibrës të dalë dhe ta mbrojë me gjak, me sopata, me drunj apo çfarë të dalë para kushdo që do përdorë voton e një qytetari. Jam i sigurtë që jo vetëm demokratët , por edhe socialistët janë bashkuar në këtë betejë”, ishin frazat e Mziut.

Me gjasë, ndjesa e tij, që si akt etik nuk lidhet me profilin e tij public tejet të shkujdesshëm, mund të jetë një diktim nga qendra. Ndërsa kjo e fundit, mund të jetë diktuar gjithashtu një pol i rëndësishëm i faktorit ndërkombëtar në Tiranë. /tesheshi.com/