Kreu i Bashkisë së Durrësit Vangjush Dako, njeriu që prej 24 orësh është shndërruar në personazhin kryesor të politikës falë disa përgjimeve nga dosja hetimore e Avdulajve të Shijakut, ka paralajmëruar një ballafaqësim gjyqësor me kreun demokrat Basha. Këtë e ka bërë me anë të një statusi në rrjete, me një gjuhë jo fort etike, deri në pikën e cilësimit të njeriut që drejton opozitën si “toë”.
“O Lulëzim Basha! Ti duhet t’i harrosh Durrësin, Shijakun dhe Krujën.. Sepse dikur edhe votonin për Saliun e për PD, po për toçin e Saliut votojnë vetëm nostalgjikët e PD dhe aq! Ti duhet ta kuptosh që s’ke vota o Lulëzim dhe s’ta kam fajin as unë, as durrsakët, as shijaksit as krutanët. NUK KE VOTE! Je një peshk rezervati që nuk hahesh dot dhe hidhu përpjetë sa të dush me kaseta me telefonata e me sajesa vemjesh.. TY NUK TE BESON ASKUSH o toçi i Saliut që i hap telefonin vetëm kunatit. Kurse mua më besojnë se ju hap telefonin të gjithëve dhe s’i kam duart as me gjak, as me zhul eurosh si puna jote! Ti vazhdo dil e shpif përditë jo krimi, jo droga, jo leku jo byreku, se ka ardh koha t’i marr edhe ca lekë unë nga thesi që të mban kunati ty. Do shihemi në gjyq bashkë ose në fakt jo, se ti merr raport mjekësor kur të thërret gjykata. Toç!”, shkruan Dako në Facebook.
Ky reagim vjen pas këmbëngulësisë së selisë blu, që Dako të mërret i pandehur nga Prokuroria. /tesheshi.com/
