Arta Dade, deputetja e Partisë Socialiste, ish-ministre e Jashtëm ka kritikuar qeverinë se po bashkëpunon me ish-zyrtarë të korruptuar të qeverisjes së PD-së.
“Në 8 vjet luftuam në këtë sallë të korruptuarit, por ata ndjehen të qetë, sot sepse nuk i hyn gjemb në këmbë as atyre e as bashkëpunëtorëve të tyre, sot në pushtet”, tha Dade.
“Senatorja” e PS-së, kritikoi gjithashtu për mos arritjen e standardeve të duhura siç theksohet në progres raportin e Bashkimit Europian.
Duke folur në seancën plenare, zonja Dade tha se kjo mazhorancë duhet të ketë standard të tjera vlerësimi dhe nuk ka justifikime vonesa e reformës në drejtësi dhe lufta ndaj korrupsionit.
Dada ka deklaruar se nuk është e tolerueshme mungesa e drejtësisë për rastet e Gërdecit dhe 21 Janarit që janë sfida për një shtet normal të së drejtës. /tesheshi.com/
