Shefi i diplomacisë serbe, Ivica Daçiq, ka thënë pas paralajmërimeve të Kosovës se do të bllokojë kalimin e mallrave nga Serbia se me “këtë u tregua se Kosova nuk është faktor përcaktues”.
“Do të ishte mirë që autoritetet në Prishtinë të fillojnë të sillen në pajtim me situatën që ndodhen. Le të provojnë të vendosin bllokadë, por pyes se çfarë do të ndodhte nëse Serbia i vendos Kosovës bllokadë në lëvizjen e udhëtarëve,” është shprehur Daçiq.
Ai shtoi se në shekullin e 21-të nuk flitet për bllokada.
Qeveria e Kosovës i ka dhënë afat asaj të Serbisë që deri në fund të marsit të pranojë certifikatën ADR, të nevojshme për transport të materialeve të rrezikshme përmes Serbisë, në të kundërtën do të vendosë masa reciproke dhe do t’ua ndalojë kamionëve serbë hyrjen në Kosovë. /tesheshi.com/
