Një dokument shumë të rëndësishëm ka publikuar Ivica Daçiç, ministri i Jashtëm i Serbisë, për t’u hakmarrë me Kishën Ortodokse të Serbisë, e cila e quan kreun e Partisë Socialiste të Serbisë si një “politikan sharlatan”.
Daçiç ka publikuar një dokument ku thekson se Kisha Ortodokse Serbe ka anuluar vizitën e Papa Françeskut në Serbi, pikërisht kur kjo vizitë ishte thuajse e realizuar.
Duke komentuar pretendimet e disa qarqeve serbe se Papa Françesku nuk ka dashur të vizitojë Serbinë, Daçiç publikoi në TV Pink një dokument në të cilin Ngarkuari me Punë i Vatikanit, në janar 2016 i është drejtuar Presidentit të atëhershëm të Serbisë, Tomisllav Nikoliç.
Në dokument thuhet se Papa pranoi ftesën për të vizituar Serbinë, dhe se datat e vizitës propozoheshin 21 dhe 22 maj 2016, por vizita u anulua pas konsultimit të Nikoliç Kishën Ortodokse.
“Duke pasur parasysh ftesën tuaj për të vizituar Serbinë Papa pranoi dhe dëshiron për të realizuar pelegrinazhin e tij apostolik”, theksohet në letër.
Një ditë më vonë, më 19 janar 2016 në kabinetin e presidentit Nikoliç erdhi një lajm tjetër nga i ngarkuari me punë i Vatikanit për konfirmimin e vizitës.
Por Nikoliç nuk ju përgjigj.
Daçiç tha se vizita e Papa Françeskut në Serbi ishte në interes të vetë Serbisë, por vuri në dukje jo pa ironi se “e kupton pozitën e Kishës Ortodokse Serbe”.
Daçiç theksoi se marrëdhëniet e Serbisë me Vatikanin duhen të thellohen pasi Selia e Shenjtë nuk e ka njohur ende Kosovën.
Disa ditë më parë, Patriarku i Kishës Ortodokse Serbe Irinej tha se ai qëndron në pozicioni e tij të shprehur më parë se nuk ka ardhur koha për ardhjen e Papa Françeskut në Serbi.
Irinej dhe në fillim të këtij viti tha se nuk ishte koha për ardhjen e Papa Françeskut dhe se kji ishte për shkak të asaj që ndodhi në të kaluarën kryesisht në Kroaci, ku Vatikani mbajti anën e kroatëve. /tesheshi.com/
