Numri dy i qeverisë serbe, Ivica Daçiç ka lëshuar një ultimatum të fortë ndaj BE-së dhe shefit të tij, Aleksandër Vuçiç, por edhe ka zbuluar prapaskenat e negociatave për Kosovën.
“O formohet Zajednica ose unë nuk vë firmën në marrëveshjen për Kosovën në dialogun e nivelit të Lartë Prishtinë-Beograd”.
Shefi i diplomacisë serbe, theksoi për B92, se “në 5 vjet kam hedhur firmën time pa marrë asgjë në shkëmbim nga Prishtina. Tani s’ka më”
E di që marrëveshja ka si kokë njohjen e pavarësisë së Kosovës. Nuk e firmos. Po fare fare. Po e them sot hapur: pa u ngritur Asocacioni i Komunave nuk e bëj”
Sipas Daçiçit dëshira e Vuçiç për kompromis nuk tregon dobësinë e tij por realizimin.
“Ai duhet t’i tregojë qartë BE-së çfarë është ajo që duam dhe sa larg mund të shkojmë … kushdo që dëshiron mund të vijë këtu, por ata nuk do të marrin njohjen e Kosovës prej nesh. Nuk ka asnjë serb që do ta nënshkruante atë”.
B92 publikon edhe prapaskenat e negociatave ndërmjet kreut të Komisionit Europian, Jean Claude Jucker, i cili ka thënë se “Ne nuk mund të plotësojmë dëshirat e Ivicës(Daçiçit) për Kosovën”.
Ministri i Jashtëm serb ka hedhur në tavolinë modelin e Sllovenisë dhe Kroacisë që janë bërë anëtare të BE-së pa zgjidhur problemin kufitar ndërmjet tyre.
“Këto janë standarde të dyfishta. A e konsiderojnë ata në BE se populli ynë është kaq i tronditur?”, tha Daçiç, i cili kërcënoi BE-në se “Kosova nuk e ka përfunduar pavarësinë e saj dhe nuk do të bëhet kurrë anëtar i OKB-së “. /tesheshi.com/
