Shefi i diplomacisë së Serbisë, Ivica Daçiç, ka vizituar Palestinën, ku përveçse ka takuar krerët zyrtarë të vendit, ka kryer homazhe edhe në varrin e Jaser Arafattit, ish-presidentit të parë të Autoritetit të Pavarur Palestinez.
Daçiç, me këtë rast ka theksuar se “mbeten mbresa të mira për miqësinë mes dy vendeve”.
Në lidhje me Arafatin, Ministri i Jashtëm i Serbisë ka deklaruar se ai ka qenë një mik i Jugosllavisë dhe i kreut të saj Josip Broz Tito.
Serbia mban marrëdhënie shumë të mira me vendet arabe, dduke ruajtur traditën e vjetër të Titos, i cili ka pasur një shkëmbim të rëndësishëm tregtar dhe kryesisht në fushën e armatimeve dhe industrisë së lehtë me shtetet e Gjirit Arabik, por edhe me Egjiptin dhe vendet e Afrikës veriore si Libia, Algjeriaa Tunizia, apo Maroku.
Iviça Daçiç e ka cilësuar të “suksesshme” vizitën në Ramallah, ku është takuar me Presidentin palestinez Mahmoud Abbas dhe Ministrin e Jashtëm Riyad al-Maliki.
Daçiç ka vizituar gjithashtu edhe Izraelin, për të cilin tha se “marrëdhëniet e tij me Serbinë janë shumë sinjifikative”.
Pas këtyre takimeve, Daçiç përsëriti aksiomën se Izraeli nuk do të ndryshojë pozicion dhe nuk do ta njohë pavarësinë e Kosovës. /tesheshi.com/
