Zëvendëskryeministri dhe Ministri i Jashtëm serb Ivica Daçiç tha se ai e thoshte me përgjegjësi të madhe morale, politike dhe penale se askush në Serbi nuk kishte marrë ndonjëherë para nga individë privatë për fushatën për të tërhequr njohjen e pavarësisë së Kosovës.
Daçiç e tha këtë në përgjigje të deklaratës së n/kryetares së Partisë Liri dhe Drejtësi, Marinika Tepiç se Serbia po e financon fushatën me para nga tregtia e armëve.
Tepiç akuzoi ministrin Daçiç për marrjen e parave nga biznesmenë me reputacion si dhe nga tregtarët e armëve, për tërheqjen e njohjes së Kosovës.
Ajo e pyeti presidentin serb Aleksandar Vuçiç nëse “Ivica Daçiç abuzoi me pozitën e tij zyrtare duke mbledhur para për të Kosovën,” por deklaroi se Vuçiq ishte i vetëdijshëm për të gjitha këto.
“Ky është një projekt shtetëror dhe gjithçka bëhet përmes institucioneve”, u përgjigj Daçiç.
Sipas Daçiçit, qëllimi i deklaratës së Tepiçit është që të kompromentojë procesin që po punon Serbia, e që është tërheqja e njohjes së pavarësisë së Kosovës .
Kosova shpalli pavarësinë nga Serbia në një seancë të jashtëzakonshme solemne të Parlamentit më 17 shkurt 2008. Të 109 deputetët e pranishëm ishin në favor të Deklaratës së Pavarësisë.
Qeveria serbe mori vendimin atë mbrëmje për anulimin e deklaratës si një “veprim të paligjshëm të institucioneve të përkohshme në Prishtinë”, dhe më pas u thirr një seancë e jashtëzakonshme e Parlamentit serb.
Shumica e vendeve perëndimore e mbështetën pavarësinë e Kosovës, ndërsa Rusia dhe Kina e dënuan atë.
Vendi i parë që njohu pavarësinë e Kosovës ishte Kosta Rika, pastaj Afganistani. Ato u pasuan nga Shtetet e Bashkuara, Franca, Mbretëria e Bashkuar, Shqipëria dhe Turqia. /tesheshi.com/
