Ministri i Jashtëm i Serbisë ka përmendur fuqitë e mëdha botërore që nuk janë miq të vendit të tij. Siç bën të ditur B92, në një intervistë televizive në Tv Happy, Daçiç akuzoi SHBA-në se “po krijon problem nën tapetin e Ballanit”.
Zv.kryeministri serb, ndërkaq ka paralajmëruar “nisjen e një cikli të ri konfliktesh në Ballkan, pasi fuqitë e mëdha kanë lënë pa zgjidhur disa probleme të rajonit.
I pyetur se kush janë ato fuqi të mëdha që kanë punuar kundër Serbisë, Daçiç tha: SHBA, Britania e Madhe e Franca.
“Duke i kërkuar falje Presidentit Vuçiç, nuk mund të them se ata janë miqtë tanë. Unë mund t’i respetoj si partnerë, por nuk mund të dhem se janë miqtë tanë”, tha Daçiç, i cili ka sulmuar edhe zyrtarin e lartë të DASH, Hoyt Brian Yee.
“SHBA është fuqi e madhe, por unë nuk mund të dëgjoj çfarë thotë një zyrtar i lartë i Departamentit të Shtetit. Nëse ka ndonjë gjë, le të ma thonë Donald Trump apo Rex Tillerson, por jo Hoyt Brian Yee.
Nëse vjen ai do të takohet me zëvendësin tim, pasi atë ka homolog”, tha ministry i jashtëm serb, i cili më pas rusët i ka konsideruar “vëllezër”. /tesheshi.com/
