Perëndimi po i kërkon Serbisë që të pezullojë veprimin diplomatik për anullimin e njohjeve të Kosovës, me pretendimin se kjo po cenon dialogun me Prishtinën, transmeton Tanjug, duke cituar një deklaratë të ministrit të Jashtëm Ivica Daçiç
“Pala shqiptare është ankuar te perëndimorët për mua, dhe tashmë Perëndimi po kërkon që ta ndaloj aksionin diplomatik, pasi ai po irriton shqiptarët”, ka thënë Daçiç.
Komentet e kreut të diplomacisë së Beogradit u bënë pas shpalljes prej tij të faktit se Grenada ka tërhequr njohjen.
“Ky është një tjetër rezultat i madh, jo vetëm pse kundërshtohet pavarësia e Kosovës, por në të kuptuarit e problemit se e ardhmja e Kosovës duhet të zgjidhet vetëm nëpërmjet dialogut, dhe jo pasi Kosova të konsiderohet si çështje e zgjidhur”, tha Daçiç.
“Dhe në votimi për anëtarësimin e Kosovës në Interpol, do të shihet se kjo çështje nuk është zgjidhur dhe se Prishtina ka një listë të rreme me numrin e shteteve që e kanë njohur Kosovën”, theksoi Daçiç.
Komenteve nga Prishtina se tërheqja e njohjes së Kosovës nga Granada nuk është e saktë, Daçiç iu përgjigj:
“Nëse Kosova me të vërtetë mendon se jam duke gënjyer, le të shohim se kush do të votojë për të”. /tesheshi.com/
