Ministri i Jashtëm serb, Ivica Daçiç ka paralajmëruar presidentin e tij Aleksandër Vuçiç që të mos firmosë “verbazi” për njohen e Kosovës, pasi sipas tij “komuniteti ndërkombëtar dhe shqiptarët po e gënjejnë presidentin e Serbisë”.
Daçiç tha se Europa po shantazhon Serbinë për të njohur pavarësinë e Kosovës.
“Unë dhe Hashim Thaçi, së bashku me Catherine Ashton formosëm marrëveshjen për Asocacionin e Komunave e cila nuk po vihet në zbatim.
Është e papranueshme që të bisedohet për marrëveshje tjetër pa pranuar dhe zbatuar të parën”, tha Daçiç, i cili njohet si njeriu kryesor i Moskës në Beograd.
“Nuk e di kush është ai budalla që beson se do të bindë me forcë presidentin e Serbisë të njohë Kosovën pa një kompromis të fortë nga ana e Prishtinës”, deklaroi ministri i Jashtëm serb. /tesheshi.com/
