Ivica Daçiç tha se sa të jetë ai në qeverinë serbe, Beogradi kurrë nuk do t’i kërkojë falje Kosovës për krimet e bëra.
Daçiç u shpreh se sipas tij Kosova e Serbia duhet ta gjejnë një formulë pajtimi të njëjtë, sikurse shtetet evropiane “për shembull Gjermania dhe Franca”.
Shefi i diplomacisë serbe, duke folur nga Prizreni, qyteti ku ka lindur, tha se Serbia nuk e njeh shtetin e Kosovës, rrjedhimisht as udhëheqësit e saj, prandaj s’ka pse t’i urojë njerëzit e zgjedhur të saj.
“Serbia nuk e pranon Kosovën dhe nuk mund t’i uroj njerëzit e zgjedhur në Kosovë”, ka pohuar Daçiç, kur është pyetur për zgjedhjen e Hashim Thaçit President.
Ai shtoi se Kosova nuk mund të anëtarësohet në UNESCO, pa një marrëveshje paraprake me Serbinë. /tesheshi.com/
