Njeriu i Moskës në qeverinë e Serbisë, Ivica Daçiç, zv.kryeministër dhe ministër i jashtëm, ka kërcënuar në mënyrë të hapur kryeministrin e Maqedonisë, Zoran Zaev, në lidhje me veprimin e Beogradit për tërheqjen e stafit diplomatik.
“Vendimi ynë ishte një mesazh ndaj Shkupit, për t’i thënë se ne dimë gjithçka ata bëjnë”, deklaroi Daçiç në rrjetin televiziv me pagesë Pink, duke i bërë të ditur Zaevit se shërbimi sekret serb ishte ai që zbuloi vendimin paraprak të Shkupit për të votuar pro-hyrjes së Kosovës në UNESCO.
Gjithçka ka ndodhur përpara bisedës telefonike që presidenti serb Aleksandër Vuçiç, pritet të zhvolljë nesër me kryeministrin e Maqedonisë, Zoran Zaev.
Duke iu referuar mundësisë që Shkupi të votojë pro-Kosovës në UNESCO, Daçiç deklaroi se urdhëri ka ardhur nga Angela Merkel.
“Nuk ka ndonjë gjë të çuditshme që Maqedonia të mbështesë Kosovën, por duhet të pranojë se e kanë marrë urdhrin. Ishte vetë Zaev që muaj më parë deklaroi se ‘mes miqve nuk ka ardhra të tilla’”, tha Daçiç.
Shantazhi i ministrit të jashtëm serb ndaj Shkupit për mundësinë e depërtimit të shërbimit serb në të gjithë institucionet e Maqedonisë, ka ardhur pasi shërbimet e NATO-s zbuluan dy spiunë të shërbimit serb që u infiltruan në trazirat e 27 prillit. /tesheshi.com/
