Ivica Daçiç, ministri i Jashtëm serb, nuk ka pritur asnjë sekondë për ta shfrytëzuar si favor emërimin e John Boltonit si këshilltar për Sigurinë Kombëtare i Trump.
Duke kujtuar deklaratën e tij në vitin 2008 se “ishte ende herët për të marrë vendim që të njihet pavarësia e Kosovës”, Daçiç tha për mediat serbe se ky emërim është ogur i mirë.
“Ne do të shohim nëse ai e mendon edhe sot atë që tha në vitin 2008”, tha Daçiç.
Madje ai ka avancuar edhe me propozim origjinal që Putin dhe Trump ta bëjnë takimin e tyre në Beograd.
Vjeshtën e kaluar, në Beograd u zhvilluan bisedimet SHBA-Rusi për Ukrainën. /tesheshi.com/
