Një prej gjyqtarëve më të njohur të futbollit në vitet e fundit në Europë është pa dyshim turku Xhynejt Çakër (Cüneyt Çakır).
Jemi mësuar ta shohim atë të gjykojë ndeshje të nivelit të lartë, në Champions League apo në aktivitete të tjera të rëndësishme, por anjëherë nuk e kishim dëgjuar të këndonte.
Xhynejt Çakëri ishte një prej befasive të spektaklit të posaçëm për fundvitin të programit “O ses Türkiye”, apo ndryshe, “The voice of Turkey”, në një prej kanaleve televizive turke.
I rreptë në gjykim, Xhynejt Çakër këndoi një këngë me titull melankolik, “Lotët në fotografi” (“Resimdeki gözyaşları”).
Në të njëjtin spektakël u panë të këndonin dhe Burak Yëllmaz dhe Emre Belëzogllu, dy prej lojtarëve më të njohur turq, siç qe i pranishëm me pjesëmarrjen e tij dhe Arda Turan, futbollisti i Barcelonës. /tesheshi.com/
https://youtu.be/7nf4DVbqCjE
