Marcio Mizael Matolias nga Brazili nuk ka paguar më qira për 22 vjet. Nuk ka asnjë xhirollogari, por jeton në një nga vendbanimet më prestigjioze të Rio de Janeiro – Barri da Tijuca.
Matolias jeton në plazh, në një kështjellë rere që ai vetë e ndërtoi.
Për dy dekada, Matolias 44-vjeçar, që vendasit e quajnë mbreti Marcio jeton në plazh. Aty ai ka ndërtuar mbretërinë e tij të banimit, e për këtë arsye ka marrë dhe pamjen e një mbreti.
Statuja e rërës, si dhe kështjella, janë një gjë e zakonshme në plazhet e Rio de Janeiro dhe një lloj i një atraksion turistik. Por ideja e tij e pasqyron më së miri realitetin me të cilin ballafaqohen banorët e Rios – koston e lartë të hapësirës me qira.
Matolias i tha medias britanike se ishte shumë i kënaqur me jetën e tij, veçanërisht sepse nuk paguan faturat por jeton i qetë.
Ai mësoi të punonte me rërë duke lexuar libra, që janë dhe dashuria e tij, si dhe një mënyrë fitimi. Pikërisht pranë kështjellës së tij, ekziston një tryezë në të cilën librat mund të blihen nga kalimtarët. Mbi librat ekziston një shenjë në të cilën thuhet: “Zgjidhni një libër dhe lini paratë në kuti, në mënyrë që kjo iniciativë të mbijetojë”.
Matolias thotë se problemi i vetëm i shtëpisë së tij është që rëra mban nxehtësinë dhe në verë, kur temperaturat shkojnë më shumë se 40 gradë e gjumi brenda nuk është thjesht i mundur, shkruan Culture Trip. /tesheshi.com/
